بسم الله منبلش بالمقادير
نصف كيلو لحمه هبره خاليه من الدهن
نصف كيلو برغل ناعم
نصف ملعقه صغيره من البهار
نصف ملعقه صغيره قرفه
ملح حسب الرغبه انا حطيت ملعقه صغيره
بصله وسط
كوب سمن
نصف كوب من الزيت
الحشو
نصف كيلو لحمه مفرومه مجهزه مع بصل بحدود 10 بصلات وزيت وملح وبهار ورشة فلفل اسود وكوب صنوبر
تكوني طابختيها على النار متل اي حشوه باختلاف اضافة الصنوبر عند الاستواء
الطـريقـة
بتنقي البرغل من وجود اي حجاره وتغسليه بالمي وبتصفيه
يفرم اللحم والبصل بمطحنة الحمه مرتين
يعجن البرغل واللحمه ثم تطحنه مره تالته بالمطحنه (بس هل مره مع البرغل)
ضيفي التوابل والملح وعجنيها بايديك (انتبهي يجب ان تبل الايدي بالمي البارده اثناء العجن )
ادهني صنيه بالزبده (الصنيه تقريبا قطرها 40سم)
اقسمي الكبه قسمين
رقي القسم الاول بين ورقتين كبار من النايلون او ورق الزبده
يوضع القسم الاول وتبل الايدين ويسوى السطح جيدا
تخطيه بالحشو (ممكن ترشي سماق على الحشو هيدا اختياري انا افضله لانه يعطي طعم مميز)
رقي القسم التاني بنفس الطريقه وسوي السطح وزينيها بكميه من الصنوبر
قسمي الكبه بسكين حاد بشكل قطع البقلاوه ونضع السمن والزيت وتدخل فرن ساخن مدة 20 دقيقه
قدميها ساخنه مع سلطة اللبن والخيار
اوسلطة الملفوف والجزر مع ثوم وحامض وزيت
وصحتين وعافيي
الإثنين أغسطس 24, 2009 5:39 pm
